ဒီကနေ့ ကျမရဲ အိမ်ကို သူငယ်ချင်းမ ၃ယောက်လာလည်ပါတယ်။ ၁ယောက်က ဗမာပြည်က ကျန်၂ယောက် က Erithria နိုင်ငံကပါ။ သူတို့ နိုင်ငံက အီသီယိုးပီးယားနိုင်ငံနဲ့ အိမ်နီးနားခြင်းနိုင်ငံပါ။ သူတို့ ၂ယောက်စလုံး စစ်မှုထမ်းဟောင်း တွေပါ။ အသက် ၁၈နှစ်ပြည့်တဲ့ ယောက်ျားလေးရော၊ မ်ိန်းကလေးများဟာ စစ်မှု မထမ်းမနေ ရထမ်းရပါတယ်။ သတ်မှတ်ထားတဲ့ ကာလပြီးရင် စစ်တပ်ထဲက ထွက်ခွင့်ရပါတယ်။ တောင်ကိုရီးယားနိုင်ငံက စစ်တပ်လဲ ဒီလိုဘဲလို့ ကြားဖူးပါတယ်။
Erithria သူငယ်ချင်းမ တစ်ယောက်ကတော့ London ကို လာမဲ့ Friday 1st May 09့ မှာ အပြီးပြောင်းမှာမို့ လာနှုတ်ဆက်တာ ဖြစ်ပြီး။ တောမှနေတဲ့ ကျမအတွက် ၊ အချိုမုန့် တွေ၊ သစ်သီးဖျော်ရည် နဲ့ diet coke အကပ်လိုက်ဆွဲ ယူလာပေးပါတယ်။ ကျမ ချက်ထားတဲ့ အုန်းထမင်း၊ ပုဇွန်ကြော်၊ မျှစ်နှင့် ပဲပြုတ်ကျော်၊ အာလူးပြုတ်သုတ် တွေကို ကောင်းကောင်း အားပေးသွားပြီး အုန်းထမင်း ချက်နည်းကိုပါ သင်ယူသွားပါတယ်။
သူတို့ တွေကို bus ကားဂိတ်လိုက်ပို့ ပြီးတဲ့ နောက် ကျမ တမျိုးကြီးခံစားပြီးကျန်ခဲ့ ရပါတယ်။ အိမ်အပြန်လမ်းမှာ မြင်းစီးကျင့် နေတဲ့  မျက်မှန်းတန်းမိတဲ့  english lady တစ်ဦးနဲ့ စကားအတန်ကြာ ရပ်ပြောဖြစ်ပါတယ်။ အရင်တုန်းက ကျမတို့  တခွန်းတလေသာ နှုတ်ဆက်နေကြ ဒီနေ့ တော့ သူမြင်းကို အကျအန ရပ်ပြီးမြင်းပေါ်ကနေ စကားလှန်းပြောတာပါ။ သူက တော်တော် ဖေါ်ရွေပါတယ်။ သူမရဲမြင်းအကြောင်းကို မမောတမ်းပြောပြပါတယ်။ သူမမြင်း ဒီကနေ့  တော်တော်ပျော်နေကြောင်း ဒီကနေ့ မိုင်အရေအတွက် ဘယ်လောက် သွားခဲပြီဖြစ်ကြောင်း ရွှန်းရွှန်းဝေအောင် ပြောပြ နေတုန်း ကျမက သူငယ်ချင်းမတွေကို လိုက်ပို့ တာဖြစ်ကြောင်း သူမရဲ့ မြင်းမဟာ အရပ်ရှည်ပြီး အရောင် လှ ကြောင်း ချီးမွမ်းမိပါတယ်။
မနေ့ ညတုန်း က မနက် ၅နာရီထိ မိုးစင်စင်လင်းသာသွားတယ် ကျမအိပ်မပျော်ခဲ့ ပါ။ အခုလဲ 2:30am ရှိတောမယ် မျက်လုံးက ပြူးနေတုန်း မောင်လေးအငယ်ဆုံး link ပို့ ထားတဲ့ ရဟန်းနာကောင်းကင်မှာ ကြွတဲ့ youtube video နဲ့ myanmar blogs အချို့ ကိုဖတ်ရင်း တချက်တချက် အိမ်အကြောင်းမတွေးပါဘဲ ရောက်ရောက်သွားတာမို့  မိုးလင်းရင်အိမ်ကို ဖုန်းခေါ်ဖို့  ဆုံးဖြတ်လိုက်ပါတယ်။ နေ့ လည် 12:30 ကနေ 4:00 အထိ မောင်လေးအငယ်ဆုံးနဲ့ ရောက်တတ်ရာရာ ပြောလိုက် file တွေ Link တွေ share လိုက်နဲ့ သူငယ်ချင်းတွေလာမှ sign out လုပ်ဖြစ်တယ်။ သူထက် အသက်ကြီးတဲ့ ကျမ ကို စိတ်မချဘူး။ သူနဲ့ စကားပြောရင် အိမ်ကိုအရမ်းလွမ်းတယ်။
No comments:
Post a Comment